Joriy yilning 09 – noyabr kuni «Islom Karimov nomidagi Toshkent xalqaro aeroporti» MCHJ kasaba uyushmasi qo’mitasi tomonidan “11-noyabr – O’zbekiston kasaba uyushmalari kuni” bayramiga bag’ishlangan tadbirlar bo’lib o’tdi.

Ushbu “11-noyabr – O’zbekiston kasaba uyushmalari kuni” bayramiga bag’ishlangan tadbirlarni yuqori saviyada tashkil etish maqsadida Kasaba uyushmasi faxriylari hamda kasaba uyushmasi faollari bayram tadbiriga taklif etildi.

Tadbirni “I.Karimov nomidagi Toshkent xalqaro aeroporti” kasaba uyushmasi qo’mitasi raisi U.M.Babaxanov kasaba uyushmalari tarixi haqidagi qiziqarli ma’lumotlar bilan boshlab berdi, hamda barchani bayram bilan samimiy qutladi, shundan so’ng barcha faxriylar hamda faollar kasaba uyushmasi tomonidan faxriy yorliq hamda pul mukofoti bilan taqdirlandilar. Taqdirlash marosimi yakuniga yetgach, barcha faollar va faxriylar “O’zbekiston kasaba uyushmalari tarixi muzeyi”ga tashrif buyurdilar. Muzeyga qilingan tashrifdan so’ng, barcha tadbir ishtirokchilari bayram dastruxoniga taklif etildi. Tushlik yakunlangach, tadbir ishtirokchilari bilan birgalikda “Yangi O’zbekiston bog’i” tomon yo’l olindi. “Yangi O’zbekiston bog’i” xodimlari mehmonlarni mamnuniyat bilan kutib olib, bog’ni tashkil etilishi haqida so’zlab berishdi.

“Yangi O’zbekiston bog’i”ga qilingan sayohat yakunlanib, bayram shukuhi va yuqori kayfiyatda tadbir ishtirokchilari manzillari sari kuzatib qo`yildi.

Yurtimizda shu kabi bayramlar ko’payaveysin, zero tinch va farovon yurtga to’y-tomoshalar, bayramlar yarashadi.